புனித டைட்ஃபில் (-480)
(ஆகஸ்ட் 23)
இவர் அயர்லாந்து நாட்டை ஆண்டு வந்த பிரைசன் என்பவரின் இளைய மகள். இவர் அரச குடும்பத்தில் பிறந்தாலும் ஏழைகளிடம் மிகுந்த இரக்கமும், நோயாளர்களிடம் கரிசனையும் கொண்டு வாழ்ந்து வந்தார்.
இவர் வளர்ந்து பெரியவரான பின்பு ஒரு மருத்துவமனையையும், ஒரு துறவுமடமும் கட்டியெழுப்பி அவற்றின் மூலம் மக்களுக்குச் சமூகப் பணியையும் இறை பணியையும் செய்து வந்தார்.
480 ஆம் ஆண்டு சாஜோன் என்ற இனக்குழுவினர் வேல்ஸ் நாட்டின் மீது படையெடுத்து வந்து, கிறிஸ்துவின் மீது நம்பிக்கை கொண்டவர்களை வெட்டி வீழ்த்தினர். அவ்வேளையில் டைட்ஃபில் கிறிஸ்துவின்மீது கொண்ட நம்பிக்கையில் மிகவும் உறுதியாக இருந்ததால், சாஜோன் இனக்குழுவினர் இவரை, இவருடைய சகோதரரோடு சேர்த்து வெட்டிக் கொன்றனர்.
இவ்வாறு டைட்ஃபில் ஆண்டவர் இயேசுவுக்காக இரத்தம் சிந்தி தன் இன்னுயிரைத் துறந்தார்.
No comments:
Post a Comment