புனித பீட்டர் கிளேவர், St. Peter Claver குரு September 08

இன்றைய புனிதர்

2020-09-08

புனித பீட்டர் கிளேவர், St. Peter Claver குரு

பிறப்பு

26 ஜூன் 1580,

ஸ்பெயின்

இறப்பு

8 செப்டம்பர் 1654

முத்திப்பேறுபட்டம்: 16 ஜூலை 1851 திருத்தந்தை ஒன்பதாம் பயஸ்

புனிதர்பட்டம்: 15 ஜனவரி 1888 திருத்தந்தை 13 ஆம் லியோ

பாதுகாவல்: அடிமைகள் மற்றும் கொலம்பியா நாட்டின் பாதுகாவலர்

கிளேவர் சிறு வயதிலிருந்தே அன்னைமரியாளின் மீது பக்தியை வளர்த்து வந்தார். பள்ளியில் சேர்ந்து படிக்கத் தொடங்கிய நாளிலிருந்து பல புத்தகங்களைப் படித்தார். தனது இளம் வயது படிப்பை முடித்தபின் 1596 ஆம் ஆண்டு பார்சலோனா என்ற நகரிலிருந்த புகழ் வாய்ந்த கல்லூரியில் படிக்க சென்றார். கல்லூரி படிப்பை முடித்ததும் 1802 ஆம் ஆண்டு குருவாக ஆசைக்கொண்டு இயேசு சபையில் சேர்ந்தார்.

இவர் மயோர்க்கா நகரில் மீண்டும் தனது படிப்பை தொடர்ந்தார். அங்கு கல்லூரி படிப்பை முடித்தபின் 1616 ஆம் ஆண்டு குருப்பட்டம் பெற்றார். புதிய குருவான இவர் நீக்ரோ அடிமை மக்களிடம் பணியை தொடர அனுப்பப்பட்டார். அம்மக்களிடையே சிறப்பாக பணியாற்றி , சில நாட்கள் கழித்து, அவர்களில் ஒருவராகவே மாறினார். அப்போது அம்மக்களிடையே அடிமை வாணிகம் பெருகியது. அவற்றை ஒடுக்க இவர் பெரிதும் பாடுபட்டார். அச்சமயத்தில் ஆப்ரிக்கா நாட்டிலிருந்து மக்கள் அடிமைகளாக கொண்டுவரப்பட்டனர். அவர்களோடு சேர்த்து இறக்குமதியும் செய்யப்பட்டது. கிளேவர் அம்மருந்துகளை பெற்று, நீக்ரோ மக்களுக்கு மருத்துவப் பணியையும் ஆற்றினார். அடிமை மக்களிடையே மிகவும் அன்பாக பணியாற்றினார். தனது மறைப்பணியால் அம்மக்களின் கடுமையான மனதை மாற்றினார். அனைவரையும் இறைவன்பால் ஈர்த்து, இறையுறவில் வளர்த்தெடுத்தார். அடிமைகளின் மேல் கொண்ட அக்கறையாலும், அன்பாலும் இவர் அம்மக்களின் தந்தை என்றழைக்கப்பட்டார்.

செபம்:

விடுதலையின் நாயகனே எம் இறைவா! உறவில்லாமல், அன்பில்லாமல் வாழும் மக்களுக்கு, நீரே தந்தையாகவும், தாயாகவும், எல்லாமுமாகவும் இருந்து வருகின்றீர். நீர் கற்று தந்தவைகளை, புனித கிளேவரின் வாழ்விலிருந்து, நாங்கள் கற்று கொண்டு வாழ அருள்புரியும்.

இந்நாளில் நினைவுகூறப்படும் பிற புனிதர்கள்

• பிரான்சிஸ்கு ஜோர்டான் Franziskus Jordan SDS,

சபைநிறுவுனர்

பிறப்பு: 16 ஜூன் 1848, குர்ட்வய்ல் Gurtweil, பாடன் வூட்டம்பர்க்Baden-Würtemberg, ஜெர்மனி

சபை நிறுவிய ஆண்டு: 1881

இறப்பு: 8 செப்டம்பர் 1918, ஃப்ரைபூர்க், Freiburg

• பிரைசிங் நகர் கொர்பினியன் Korbinian von Freising

பிறப்பு: 680, சாட்ரஸ் Chartres, பிரான்ஸ்

இறப்பு: 8 செப்டம்பர் 720, ஃப்ரைசிங் Freising, பவேரியா, ஜெர்மனி

பாதுகாவல்: ஃப்ரைசிங்-மியூனிக் மறைமாவட்டம், Munich

• துறவி செராபீனா, Seraphina OSCI

பிறப்பு: 1434, உர்பீனோ Urbino, இத்தாலி

இறப்பு: 8 செப்டம்பர் 1478, பெசாரோPesaro, இத்தாலி

• திருத்தந்தை முதலாம் செர்கியஸ் Pope Sergius I

பிறப்பு: 7 ஆம் நூற்றாண்டு, சிசிலி Sizilien, இத்தாலி

இறப்பு: 8 செப்டம்பர் 701, உரோம், இத்தாலி

• குடும்பத் தலைவி மரியா தொரிபியா Maria Toribia

பிறப்பு: 11 அல்லது 12 நூற்றாண்டு, டோரியோன்(?) Torrejon, ஸ்பெயின்

இறப்பு: 8 செப்டம்பர் 1140 / 1175, காராகுயிஸ் Caraquiz, ஸ்பெயின்