ஆண்டெஸ் நகர் இயேசுவின் புனித தெரசா(1900-1920)July 13

ஜூலை 13

ஆண்டெஸ் நகர் இயேசுவின் புனித தெரசா

(1900-1920)

இவர் சிலி நாட்டில் உள்ள சந்தியாகு என்ற நகரில் பிறந்தவர். இவருடைய பெற்றோர் வசதியானவர்கள். ஆனாலும், இறைவன் மீது மிகுந்த நம்பிக்கை கொண்டவர்களாகத் திகழ்ந்தார்கள்.

இதனாலேயே அவர்கள் இவரை இறைநம்பிக்கையிலும் பிறரன்பிலும் நல்ல முறையில் வளர்த்து வந்தார்கள். 

சிறுவயதில் முன் கோபக்காரராக இருந்த இவர், படிப்படியாக வளர்ந்து வந்தபோது, கோபம் கொள்வதை அப்படியே குறைத்துக்கொண்டார். 

இதற்குப் பிறகு இவர் கார்மேல் சபையில் சேர்ந்து துறவியானார். துறவு மடத்தில் இவரது வாழ்க்கை பலருக்கும்  எடுத்துக்காட்டாக இருந்தது.

ஆனால், யாரும் எதிர்பாராதவிதமாக இவர் துறவியான அடுத்த ஆண்டிலேயே தீராத நோயினால் பாதிக்கப்பட்டு, இறையடி சேர்ந்தார்.

இவர் இறக்கும்போது இவருக்கு வயது வெறும் 20 தான். இவருக்கு புனித திருத்தந்தை இரண்டாம் ஜான் பால் 1993 ஆம் ஆண்டு, மார்ச் திங்கள் 21 ஆம் நாள் புனிதர் பட்டம் கொடுத்தார்.

இவர் இளைய தலைமுறையினருக்குப் பாதுகாவலியாக இருக்கிறார்.